Overblog Suivre ce blog
Editer l'article Administration Créer mon blog

Profil

  • Tunisie mon pays!
  •  Vive la Tunisie Libre
  • Vive la Tunisie Libre

Recherche

Archives

14 octobre 2008 2 14 /10 /octobre /2008 22:30
سكاتش بلّوشي
«شيّات» في عهد العولمة

 
عندي واحد صاحبي شيات.. معرفة عشرين سنة تشييت ما كلين الشيتة والسيراج مع بعضنا مستانس ديمة يشيتلي صباطي بدينار ويشيت الآخرين بدينار ونص. نقولو علاش. يقلّي انت صاحبي ولازم نعملّك سوم خير ما اللّي تبعثني نشيت غبت عليه مدّة ورجعتلو قتلو شيتلي بدينار خزرلي وقاللّي ياحسرة يازمان دوّيو برّا شيت.. ياحسرة وقتلي كان التشييت بدينار. قتلو مالا بقداش ولا؟ قاللّي أقل تشييتة توة بخمسة الاف

علاش يا ولدي أشنوه اللّي صار جديد؟ آشنوة اللّي توتّى؟

ياخي ما سمعتش؟ وين كنت راقد يابابا.. كل شيء زاد.. الحديد زاد.. النحاس زاد.. العلفة زادت.. الماكلة زادت.. البترول زاد.. الضو زاد.. الماء زاد.. يقعد كان السيراج ما يزيدش؟

وآش مدخل السيراج في هذا الكل..

ماهو داخل في الدورة الإقتصادية العالمية وتضرر في الأزمة المالية اللّي ضربت أمريكا وهذا وقت العولمة.. والسوم الجديد هو سوم العولمة

ايا يزي بلا تفدليك قالّو عولمة قالو سيدي زكري.. أيا قوم أعملي تشييته قمقومة خير ما نبعثك تشيت

مانشوف كان صاحبي كان تغشش وجهو إحمار وازراق وآكحال كيف حكة السيراج وصاح في:

ـ من فضلك ياسيد.. أعرف مع شكون تحكي وتتكلّم؟

ـ مع أشكون زعما.. كوندليزا رايس وإلا بول بريمر؟

ـ احترم نفسك إنت صحيح تتكلم مع شيات اماموش أي شيات.. أنا شيات متحصل على ديبلوم الشياتة.. على القدم الذهبي عام 2006 على الشوليقة الفضية عام 2007 على الشيتة البرنزية عام 2005 على البطولة الوطنية لأسرع واحد بعثوه يشيت.. الدرع العالمي لأحسن شيات.. عندي شهادة إيزو 20027 للتشييت مطابقة للمواصفات العالمية.. عضو النقابة العالمية للشياتين. الأمين العام للجامعة العربية للشياتين.. داخل في البورصة متاع لندن ونيويورك السهم متاعي كي يضرب واحد كيفك يجيبو يشيت actionnaire في أكبر معمل سيراج في شمال افريقيا.. سفير النوايا السوداء في الأمم المتحدة عندي شركة تخدّم 5 آلاف شيات منهم 3 آلاف من حاملي الشهادات العليا في علم السيراج الأكحل وحدو عني 1000 عون تقني في الخليج.. 500 في الخليج.. 300 في آسيا.. في افريقيا ما عندي حد على خاطر الكلهم في لون السيراج عضو الإتحاد العالمي للشياتين.. عندي ايمايل.. وسيت واب أنا بشيتة بركة نحركها بيدي اللّي نحبّ نبعثو يشيت يمشي يشيت.. ونقطعلو سيراجو من العالم الكلّ نزيدك وإلا يزّي

قتلو: لا وخي يزّي سامحني يظهرلي أنا باش نكرم لحيتي بيدي وباش نبعث روحي نشيّت.


(المصدر: صحيفة 'الصباح الأسبوعي' (أسبوعية - تونس) الصادرة يوم 13 أكتوبر 2008)

Partager cet article

Repost 0
Published by Tunisie mon pays! - dans INSOLITE
commenter cet article

commentaires